Qendra Kombëtare për Menaxhim Kufitar ka njoftuar se qytetarë serbë me fillim nga ora 18:00 kanë bllokuar rrugën e cila shpie në pikëkalimin kufitar në Merdar nga ana e Serbisë.
Përmes njoftimit është kërkuar që udhëtarët të shfrytëzojnë pikëkalime tjera, me qëllim të evitimit të pengesave në këtë rrugë.
“Bazuar në informatat e pranuara, sot me datë: 01.07.2025, me fillim nga ora 18:00, rruga e cila shpien në PKK Merdarë nga Serbia do të jetë e bllokuar nga qytetarët serbë të cilët do të pamundësojnë kalimin e lirë. Me qëllim të evitimit të kësaj rruge dhe pengesave në rrugë që shpiejnë në PKK Merdare, inkurajojmë udhëtarët që të shfrytëzojnë PKK tjera, deri në njoftimin tjetër. Ju falënderojmë për bashkëpunim. Për më shumë kontaktoni në numrat 045198000, 045198606 dhe në numrin pa pagesë 080050095”, thuhet në njoftim.
