Një 67 – vjeçare është gjetur e varur në shtëpinë e saj.
Policia ka bërë të ditur se vdekjen e saj e ka konstatuar ekipi mjekësor .
“Më datë 29.10.2025, rreth orës 15:00, policia ka pranuar informacion se në fshatin Veli Breg të Zubin Potokut është gjetur një person pa shenja jete. Njësitë përkatëse policore menjëherë kanë dalë në vendin e ngjarjes, ku është raportuar se viktima, R.M., femër, 67 vjeç, është gjetur e varur në shtëpinë e saj. Rasti është raportuar nga djali i viktimës i cili e ka gjetur atë te varur. Në vendin e ngjarjes ka dalë edhe stafi mjekësor emergjent, i cili ka konstatuar vdekjen e viktimës”, thuhet nga policia.
Sipas njoftimit me urdhër të Prokurorit të Shtetit, trupi i pajetë është dërguar në Institutin e Mjekësisë Ligjore për obduksion, në mënyrë që të sqarohen rrethanat e vdekjes.
Rasti është iniciuar dhe po trajtohet si “Vdekje e dyshimtë”.
