Radomir Kurtiq, përfaqësuesi për tregti me armë i Serbisë, ka vdekur në rrethana të paqarta, para disa javësh në Moskë të Rusisë.
Për vdekjen e Kurtoviq, as autoritetet ruse e as ato serbe nuk kanë dhënë detaje.
Prandaj, vdekja e Kurtoviq ka ngritur shumë dyshime.
Gazetari investigativ nga Beogradi, Milan Radonjic, tregon se sipas informacioneve të deritanishme, në zyrën e kompanisë në Moskë mungon një material, të cilit ai i referohet si disk i ngurtë.
Këtë, Radonjic thotë se Vuçiq e konfirmoi në një konferencë për media me presidenten e Komisionit Evropian, Ursula Von Der Leyen.
“Ne po e pranojmë këtë lajm me një muaj vonesë, dhe kjo po interpretohet si diçka shumë e dyshimtë. Ajo çfarë është gjithashtu e rëndësishme, dhe është një indikacion, është fakti se në zyrat e kësaj firme në Moskë mungon një far materiali, një disk i ngurtë. Kjo është informatë jo e plotë. Por u forcua kur Vuçiq, duke dal në skenë me Presidenten e Komisionit Evropian, Ursula Von Der Leyen, i thotë se ka marrë porosi nga Moska, më saktë nga Kremlimi. Ajo i thotë që mund të presë me këtë, t’i tregoj më vonë. Kjo u kap nga mikrofonët, nuk u tha në konferencë. Por do të thosha që është një porosi e njëjtë, dhe që pasojat e saj do t’i shohim në muajt në vijim”, tha ai.
“Sigurisht ka një ngjashmëri me të cilën funksionojnë këto dy regjime. Ajo çfarë është e mundur në Rusi është larg më e realizueshme se që është në Serbi, por është një ngjashmëri me mënyrën si trajtohen kundërshtarët politikë në të dyja shtetet. Pra, po, sigurisht, mendoj që krejt kjo çështje është që të tregohet një trend më të gjerë, një drejtim në të cilin do të lëvizë politika serbe në muajt në vijim”, u shpreh ai.
Përveç përfaqësuesit serb të kompanisë për eksportimin e armëve në Moskë, edhe ushtarak të tjerë serbë dhe paramilitarë, janë gjetur të vdekur në Serbi.
