Në Gjykatën Themelore në Prishtinë sot pritet të vazhdoj seanca e dytë ndaj tre të akuzuarve për sulmin terrorist në Banjskë të Zveçanit, ku mbeti i vrarë rreshteri i Policisë së Kosovës, Afrim Bunjaku, në shtator të vitit 2023.
Në shqyrtimin fillestar të mbajtur më 9 tetor 2024, tre të akuzuarit Vladimir Toliq, Blagoje Spasojeviq dhe Dushan Maksimoviq janë deklaruar të pafajshëm.
Përveç tyre të akuzuar për këtë sulm janë edhe 42 persona të tjerë, përfshirë edhe Milan Radojiçiqin, që e pranoi publikisht se udhëhoqi sulmin në Banjskë, janë në arrati.
Seanca është paraparë të fillojë nga ora 09:30.
Ndryshe, më 11 shtator të 2024, Prokuroria Speciale e Kosovës ngriti aktakuzë kundër 45 personave në krye me kriminelin Milan Radoiiciq, të cilët akuzohen për terrorizëm, financim të terrorizmit dhe vepra të tjera të rënda penale.
Autoritetet e Kosovës kanë kërkuar ekstradimin e përgjegjësit të grupit terrorist, Milan Radoiçiq dhe të akuzuarit tjerë për sulmin terrorist në Banjskë të Zveçanit, mirëpo një gjë e tillë ende nuk ka ndodhur.
Ata janë në kërkim të INTERPOLIT e presion ndaj Serbisë, që ajo t’ia dorëzojë Milan Radojçiqin dhe kriminelët tjerë drejtësisë së Republikës së Kosovës është bërë edhe nga ndërkombëtarët.
