Situata vazhdon të jetë e qetë në komunën e Leposaviqit.
Këtë ka bërë të ditur, gazetari i Tëvë1, Shpat Blakçori, i cili aktualisht është duke qëndruar në atë pjesë veriore të vendit, derisa ka treguar se përveç protestuesve, prezent kanë qenë edhe disa pjesëtarë të Listës Serbe, shkruan teve1.info.
“Në Leposaviq deri më tani ka qenë një situatë e qetë, pavarësisht që ka pasur disa provokime në drejtim të gazetarëve, situata nuk ka eskaluar. Përveç protestueseve, prezent kanë qenë edhe pjesëtarë të Listës Serbe. Gjatë ditës, disa qytetarë i kanë pasur makinat brenda komunës, ku ka qenë e pamundur t’i largojnë ato, por pas disa konsultimeve që i kanë pasur me ushtarët e KFOR-it, kanë arritur t’i nxjerrin makinat jashtë objektit komunal. Deri më tani nuk ka pasur ndonjë tension, derisa vlen të theksohet që kryetari i ri i Leposaviqit, Lulzim Hetemi, vazhdon akoma të qëndrojë brenda komunës”, u shpreh Blakçori.
Njëherit, kujtojmë se pak më parë u raportua se numri i protestuesve serbë në Leposaviq ka rënë.
Nga dje, paqeruajtësit e KFOR-it kanë ngritur tela gjemborë duke rritur sigurinë./teve1.info/.
