Ministria e Kulturës ka bërë të ditur se është duke vazhdaur puna në restaurimin dhe funksionalizmin e shtëpive të vjetra të Janjevës.
Në një njoftim për media thuhet se Janjeva do të shndërrohet në destinacion tërheqës për vizitorët
“Përmes projektit për rijetësimin e qytetit të vjetër të Janjevës, me intensitet të lartë është duke u zhvilluar puna në restaurimin dhe rifunksionalizimin e shtëpive tradicionale. Shtëpitë po restaurohen duke iu ruajtur karakteristikat e mëhershme dhe me funksionalizimin e tyre ato mund të shndërrohen në bujtina për vizitorë, punëtori artizanale, të përdoren si shtëpi banimi apo hapësira për aktivitete kulturore”, thuhet nga ministria.
