Transportuesit e udhëtarëve me autobusë Podujevë – Prishtinë kanë vazhduar edhe sot (e premte) grevën për shkak të një vendimi të komunës së Prishtinës për shtimin e linjave në drejtim të Podujevës, deri në Tenezhdoll.
Shoqata e Transportit “Podujevë-Prishtinë” njofton se pezullimi i përkohshëm i aktivitetit të saj transportues të udhëtarëve është si rrjedhojë e siç thuhet “shkeljeve flagrante të të drejtave elementare dhe rrezikut të falimentimit të kompanive transportuese”.
Në një njoftim zyrtar, shoqata ka theksuar se situata është pasojë e veprimeve të Komunës së Prishtinës, e cila ka lëshuar linja të reja transporti duke anashkaluar procedurat ligjore dhe të drejtat që i takojnë operatorëve ekzistues.
“Këto veprime, sipas shoqatës, kanë shkaktuar dëme të mëdha ekonomike, duke rrezikuar ekzistencën e saj dhe vendet e punës për shumë persona që varen nga ky sektor”, thuhet në njoftim.
30 Kompani të transportit ‘’Prishtinë-Podujevë’’ të enjten pezulluan qarkullimin në këtë magjistrale, në shenjë proteste ndaj Komunës së Prishtinës.
Sipas tyre, bizneset po u rrezikohen për falimentim, pas lëshimit të linjës 22 nga Prishtina drejt fshatrave të Podujevës.
Kompanitë private të autobusëve thonë se linja 22 e lëshuar nga kryeqyteti do t’i falimentojë
