E gjithë vëmendja brenda gjykatores ishte në këtë projektor.
Në gjyqin e Naser Pajazitaj, u shfaqën disa video inçizime të ditës kritike të 9 nëntorit të vitit 2015.
Meqenëse se këto inçizime ishin të kamerave të sigurisë së disa shtëpive rreth rrugës për në Strellc të Deçanit, transmetimi i tyre në publik u ndalua nga trupi gjykues.
Ky vendim erdhi përkundër insistimit të familjarëve të Donjeta Pajazitaj, që t’i regjistronin pamjet që do të shfaqeshin.
Ndaj këtyre përpjekjeve, reagoi edhe prokurorja e rastit, duke e cilësuar si të panevojshme këtë kërkesë.
Madje kjo pati një kërkesë specifike për mediat.
Gjyqi do të vazhdojë të mërkurën, i cili do të zhvillohet në teren, në Strellc të Deçanit.
Ky është shqyrtimi i tretë gjyqësor për Naser Pajazitaj, i cili dy herë ishte dënuar me burgim të përjetshëm për vrasjen e Donjeta Pajazitaj, por që të dyja këto dënime u rrëzuan nga shkallët më të larta të gjyqësorit, Apeli dhe Supremja.
Raporti i gazetares Florijeta Dernjani.
