Njësitet e Policisë së Kosovës janë duke zhvilluar aksion në veri të vendit.
Tashmë kanë filluar edhe arrestime të personave të dyshuar si dhe sekuestrime të dokumenteve.
Detaje për teve1.info lidhur me aksionin ka dhënë zv.komandanti për veriun, Veton Elshani, i cili njoftoi se janë duke mbështetur Njësitet e Krimit të Organizuar nga Prishtina.
Ndërsa, zëdhënësi i policisë, Baki Kelani ka thënë se operacioni policor ka të bëjë me luftimin e veprimtarive kriminale, të kontrabandimit me armë dhe municion.
Tutje, ai tha se aksioni është duke u realizuar në dy rajone.
“Mund të konfirmojmë se, sot në orët e hershme të mëngjesit, Policia e Kosovës në bashkëpunim dhe koordinim me institucionet kompetente, ka filluar realizimin e një operacioni policor i cili përfshinë dy rajone të Kosovës, atë DRP Mitrovicë Jugu dhe DRP Mitrovicë Veri. Operacioni policor ka të bëjë me luftimin e veprimtarive kriminale, të kontrabandimit me armë dhe municion. Pas përfundimit të operacionit policor, do të bëhen publike informacione shtesë”, ka deklaruar ai për redaksinë./teve1.info/
