Përmes komunikatës, Prokuroria ka njoftuar se pjesë e aksionit janë edhe Inspektoriati i Ministrisë së Mjedisit, Departamenti i Mbrojtjes së Mjedisit, Inspektorati i Komunës, Drejtoria e Parkut Kombëtar “Sharri” dhe Agjencia Kadastrale e Kosovës.
“Prokuroria Themelore në Ferizaj, njofton opinionin publik se në koordinim dhe bashkëpunim me Drejtorinë e Krimeve të Rënda (DKR) në Prishtinë, Inspektoratin e Minsitrisë së Mjedisit, Departamentin e Mbrojtjes së Mjedisit, Inspektoratin e komunës, Drejtorinë e Parkut Kombëtar “Sharri” dhe Agjensinë Kadastrale të Kosovës, edhe sot, janë duke vazhduar operacionin për identifikimin dhe regjistrimin e vikend-shtëpizave në zonën e Brezovicës. Në operacionin e sotëm të pranishëm janë edhe Inspektorati Qëndror i Pylltarisë për shkak të dëmtimit të madh të pyllit në Parkun Kombëtar “Sharri” në zonën e Brezovicës”, thuhet ndër tjerash në njoftim.
Sipas njoftimit, qëllimi i këtij operacioni është identifikimi i ndërtimit të të gjitha objekteve në zonat e mbrojtura të parkut kombëtar se në cilat zona janë ndërtuar ato dhe se a janë në pajtim me ligjin./teve1.info/
