Ylli i Milanit, Christian Pulisic nuk është më në marrëdhënie të mira me trajnerin Sergio Conceiçao dhe ka kërkuar të largohet nga klubi në verë nëse portugezi mbeten në krye të skuadrës.
Tensioni është i lartë në Milano, veçanërisht pas eliminimit nga Liga e Kampionëve të martën nga Feyenoordi.
Gazeta “La Repubblica” konfirmon se Pulisic është i pakënaqur me Conceiçaon, duke shtuar se dyshja patën një debat ballë për ballë pas humbjes së Milanit ndaj Dinamo Zagrebit në janar, në ndeshjen e fundit të fazës së ligës të Ligës së Kampionëve.
Gazeta italiane pretendon se marrëdhënia e Pulisic me Conceiçao u shkatërrua në mënyrë të pariparueshme, me anësorin amerikan që kërkoi të largohej nga klubi nëse Conceiçao mbetet në klub edhe për sezonin 2025-2026.
Sipas raportit, Pulisic dhe lojtarë të tjerë të Milanit, përfshirë Youssouf Fofana, nuk i mbështesin metodat e vështira të trajnerit.
Conceiçao nënshkroi një kontratë deri në qershor 2026 në dhjetor, por Milani ka një opsion për të ndërprerë marrëveshjen në fund të sezonit.
“Repubblica” raporton gjithashtu se Conceiçao nuk do të qëndrojë në “San Siro” përtej verës nëse nuk arrin të kualifikohet në Ligën e Kampionëve 2025-26.
