Të enjten është mbajtur një takim në kryeqyetin e Turqisë, Stamboll, mes një delegacioni zyrtarësh rus dhe atyre amerikanë.
Ministri I jashtëm rus, Sergej Lavrov ka thënë se në takim do diskutohet për funksionimin e ambasadave përkatëse në Moskë dhe Uashington, marrëveshje kjo që u bë mes dy vendeve në takimin e mëparshëm në Riad.
Presidenti rus, Vladimir Putin i ka përshkruar kontaktet me administratën Trump si, kontakte që nxitsin shpresë.
“Kontaktet e para me administratën e re amerikane nxisin disa shpresa. Ekziston një gatishmëri reciproke për të punuar për të rivendosur marrëdhëniet dhe për të zgjidhur gradualisht një sasi kolosale problemesh strategjike sistematike në arkitekturën globale. Ishin këto probleme që dikur provokuan krizat e Ukrainës dhe ato të tjera rajonale”, ka thënë presidenti rus.
Bisedimet e javës së kaluar ShBA-Rusi në Riad, shënuan një ndryshim të jashtëzakonshëm në politikën e jashtme të Uashingtonit nën drejtimin e Trump dhe një largim të qartë nga përpjekjet e udhëhequra nga ShBA për të izoluar Rusinë për luftën e saj në Ukrainë.
