Lidhur me këtë, nga KRU “Prishtina” tregojnë alternativat dhe orarin e reduktimeve në disa nga këto zona.
“Do të kenë reduktime të furnizimit me ujë në oraret e njëjta sikurse ditët tjera duke vazhduar edhe sot nga ora 10:00 dhe do zgjasë deri në 16:00. Pastaj nga ora 16:00-20:00 kanë furnizim me ujë, për të vazhduar edhe ditën e nesërme me të njëjtin orar, vetëm se furnizimi për ditën e nesërme fillon në ora 05:00 në mëngjes”, thuhet në përgjigjen e KRU “Prishtina”.
Ndërkaq, Faruk Mujka, kryeshef në Ibër – Lepenc thotë se në kanalin e Ibrit ka filluar pastrimi dhe kthjellimi i ujit.
“Kjo për shkak të reshjeve shumë të mëdha gjatë javës së kaluar të cilat nuk mbahen mend dhe turbullirat fillojnë qysh nga liqeni i Ujmanit, lumi Ibër pastaj kalon dhe në kanalin Ibër – Lepenc, edhe si pasojë e prurjeve dhe maleve përrreth nga fushat atëherë nuk kemi ujë jo të kthjellët sa duhet për furnizim… Ka filluar pastrimi kthjellimi i ujit në liqenin e Ujmanit sepse nuk ka prurje të reja, të gjitha ato që kanë qenë në kanal janë duke ec sepse punëtorët janë duke punuar, duke bërë pastrimin…”, tha Mujka.
Situata e tillë sipas KRU “Prishtina” vazhdon deri në përmirësimin e situatës me turbullirë në kanal.
Kronika e gazetares Lendrina Kodrolli.
