Janë duke vazhduar punimet në sanimin e dëmit të kanalit të Ibër-Lepencit në Zubin Potok.
Këto punime për devijimin e kanalit priten të përfundojnë pas një jave.
Ndryshe, të hënën (2 dhjetor), Prokuroria Speciale bëri të ditur se lidhur me sulmin terrorist të 29 nëntorit, në kanalin e ujit të “Ibër-Lepencit, janë shoqëruar në Polici 10 të dyshuar.
Prej tyre, Dragisha Viqentijeviq, dhe D.M., u ndaluan, ku të parit iu caktua masa e paraburgimimit, ndërsa i dyti është liruar në procedurë të rregullt.
Kurse, më 1 dhjetor u ndalua edhe Jovan Viqentijeviq, të cilit i janë sekuestruar armë e pajisje tjera në shtëpi.
Shpërthimin në kanalin e ujit të Ibër-Lepencit në fshatin Varagë të Zubin-Potokut, i cili dyshohet se u bë me rreth 20 kilogramë eksploziv, autoritetet e Kosovës e kanë cilësuar si sulm terrorist dhe se përgjegjëse thanë se është Serbia.
Madje, sulmin e kanë dënuar ashpër edhe ndërkombëtarët.
Lidhur me këtë rast gjatë kontrolleve në veri, Policia ka sekuestruar armë, municion, e pajisje tjera./teve1.info/
