Qytetarët serbë kanë vazhduar protestat në tri komunat veriore të Kosovës, Leposaviq, Zveçan dhe Zubin- Potok.
Numër më i madh i protestueseve u pa në Zubin-Potok e Zveçan, ndërsa situata ishte e qetë.
Të pranishëm ishin edhe pjesëtarë të KFOR-it, derisa pjesëtarë të Policisë së Kosovës po qëndrojnë para objekteve komunale.
E ndryshe nga këto dy komuna, në Leposaviq u pa një numër më i vogël i protestuese.
Megjithatë brenda oborrit të kësaj komune, numri i autoblindave të KFOR-it ishte i madh.
Profesori universitar, Nexhmedin Spahiu thotë që Policia e Kosovës duhet të qëndroj këtu muajve në vijim.
“Mirë është që të qëndrohet edhe disa muaj edhe atëherë sigurisht që autonomia e serbëve në Kosovë nuk do të jetë e tillë sa ta pengojë zhvillimin normal të shtetit të Kosovës, në të kundërt nëse bie flamuri i Kosovës në Leposaviq, Zveçan e Zubin Potok atëherë është një rrezik i madh dhe për vet shtetin e Kosovës”, tha Spahiu
Protestat e serbëve në këto komuna në veri të Kosovës filluan me 26 maj.
