Ka mbi 10 ditë që serbët lokal janë duke protestuar në 3 komunat veriore të Kosovë kundër kryetarëve të rinj shqiptar.
Si rëndom në protestë u pa edhe Kryetari i Listës Serbe, Goran Rakiq, i cili po qëndronte afër fëmijëve që po luanin volejboll para Komunës së Zveçanit.
Situatë e qetë ishte edhe Leposaviq, ku kryetari i ri nga radhët e Lëvizjes Vetëvendosje, Lulzim Hetemi, tash e sa dite po qëndron i mbyllur brenda komunës.
Edhe në këtë komunë prezent ishin anëtarë të Listës Serbe, partisë që ka mbështetje të plotë nga Beogradi zyrtar.
Mirëpo gjatë mesditës, ekipi i Tëvë1 dhe i një mediumi tjetër u sulmuan me vezë nga disa protestues të rinj, të cilët kundërshtonin prezencën e medieve.
Prezenca e medieve nuk i pëlqeu as ish-kryetarit të Leposaviqit, Zoran Todiq. (PAMJE)
Kurse, ushtarët e KFORi-it sugjeruan largimin e ekipeve nga terreni për shkaqe të sigurisë.
E më gjithë këtë situatë të krijuar në veriun e vendit, i shqetësuar po shprehet aktivisti nga Shoqëria Civile, Miodrag Miliçeviq.
Ai thotë se Kosova dhe Serbia do duhej që ta shfrytëzonin më mirë marrëveshjen e Ohrit.
“Personalisht e kam pritur se mund të ketë tensione në veriun e vendit për shkak të këtyre zgjedhjeve lokale. Mendoj se këto zgjedhje u organizuan në një moment jo të duhur. Në vend se të shfrytëzohej më mirë marrëveshja e arritur në Ohër nga Kosova dhe Serbia për të vazhduar përpara tani duhet të flasim për kriza dhe tensione. Pjesëmarrja në këto zgjedhje ishte shumë e ulët prandaj po e përsëris se nuk ishin kushtet e duhura që ato të mbaheshin”, thotë ai.
Sipas Miliçeviq në këtë fazë është e rëndësishme që kryetarët aktual ta kryejnë një rol teknik deri sa të bëhet një zgjidhje më afatgjate.
Ai tutje i bënë thirrje që të gjitha komuniteteve që të kenë një bashkëpunim të sinqertë, në mënyrë që qytetarët të ndihen më të sigurte.
“Mendoj se qeveria e Kosovës duhet t’i dëgjoj këshillat e ndërkombëtarëve e ti tërheq njësitet speciale si dhe të krijoj kushte për zgjedhje të reja në katër komunat veriore. Prandaj besoj që kryetarët aktual duhet ta ushtrojnë një rol teknik deri sa të bëhet një zgjidhje me afatgjate. Të gjitha komunitetet duhet të bashkohen dhe të flasin se si të krijohet një ambient më i sigurte për të gjithë”, ka thwnw Miliçeviq.
Situatë e qetë të mërkurën ishte edhe në Zubin Potok.
