Që gjashtë ditë është duke u kërkuar Beqir Malokaj, i cili është raportuar i zhdukur.
Përpjekjet e njësive kërkuese dhe qytetarëve për ta gjetur të zhdukurin shënojnë ditën e gjashtë, ku sot ekipit iu bashkua edhe kryetari i komunës, Ilir Ferati, për të ofruar mbështetjen dhe praninë e tij aktive në terren.
Postimi i plotë:
Sot, në ditën e gjashtë të kërkimit të personit të humbur, Beqir Malokaj, mobilizimi ishte i jashtëzakonshëm. Ekipet nga njësitë lokale, FSK, Policia e Kosovës, Klubi Alpin Podguri, Shoqata e Kërkim-Shpëtimit, ambulanca dhe qytetarët po bashkëpunojnë si rrjet i përbashkët, duke kërkuar çdo gjurmë të bashkëqytetarit tonë nga Saradrani, z. Malokaj.
Si institucion komunal, mbetemi të përkushtuar për çdo qytetar, duke ofruar mbështetje dhe praninë tonë aktive kudo ku ka nevojë.
Faleminderit të gjithëve për angazhimin dhe përkushtimin. Qëndrojmë me shpresë që ta gjejmë Beqirin, shëndosh e mirë.
