Varhelyi tha se janë në dijeni se Kosova ka bërë përpjekje për forcim të demokracisë dhe rendin e ligjin po ashtu intensifikimin e luftës kundër korrupsionit.
Propozimi është ende në pritje në Këshill, kështu bëri të ditur komisioneri për Fqinjësi dhe Zgjerim i Bashkimit Evropian, raporton teve1.info
“Kosova ka pasur një stabilitet politik përgjatë këtij viti. Autoritetet kanë vazhduar të shprehin përkushtimin për integrimin në rrugën evropiane. Ne jemi në dijeni se Kosova ka bërë përpjekje për forcim të demokracisë dhe rendin e ligjin, dhe intensifikimin e luftës kundër korrupsionit. Punë janë kryer duke garantuar stabilitet në disa fusha përfshirë edhe tranzicionin në energjinë e pastër dhe inovacion. Në vitet që vijmë dëshirojmë të shohim përshpejtim të reformave të Kosovës në përputhje me agjendën e BE-së. Sa i përket liberalizimit të vizave, Komisioni Evropian vazhdon t’i qëndrojë prapa rekomandimit të korrikut 2018 se Kosova ka përmbushur të gjitha kriteret. Propozimi është ende në pritje në Këshill. Sa i përket dialogut Prishtinë-Beograd, Oliver Varhelyi tha se KE-ja ka nevojë të shohë përfshirjen e Kosovës në mënyrë konstruktive ashtu siç ka nevojë që edhe Beogradi ta bëjë të njëjtën gjë”, tha Varhelyi.
