Gazetari dhe analisti nga Tirana Red Varaku, mënyrën arrestimin e ish-presidentit të Shqipërisë, Ilir Meta me urdhër të Gjykatës së Posaçme Kundër Krimit dhe Korrupsionit, e ka cilësuar si spektakël politik.
Madje ai ka thënë se për mënyrën se si u arrestuar Meta, që në Shqipëri është debati kryesor, ka pas një “hakmarrje’ nga Prokuroria e Posaçme për shkak të përplasjes me Metën.
“Spektakli është pjesë e politikës, kjo mënyra se kërkohet të paraqitet në publik një arrest i një natyre të tillë për një politikan kaq të rëndësishëm. Nuk është hapi kjo që ndodhi, ka qenë spektakolare përplasja e z.Meta me Prokurorinë e Posaçme. Kjo formë e arrestimit ka qenë ‘hakmarrje” e Prokurorisë për shkak të përplasjeve që kanë pas”, ka thënë ai në emisionin “InfoNata” në Tëvë1.
I pyetur nëse SPAK-u po përdoren politikisht, Varaku ka thënë se ky institucion është një instrument i ShBA-së për të eliminuar klasën politike të korruptuar.
“SPAK-u nuk është asgjë tjetër veç një mekanizëm, një instrument në duar të ShBA-së për të eliminuar një klasë të korruptuar politike. Pra ky është qëndrimi pak a shumë që mbështet edhe këtë strategjinë e SPAK, për të goditur elementet kryesor dhe me të rëndësishëm dhe njerëzit me përgjegjës të këtyre 34 viteve të pluralizmit”, ka thënë Varaku.
Sipas tij opozita e konsideron SPAK-un një seksion të Partisë Socialiste.
Kulla: Arrestimi i Metës, pasojë e fajeve historike që bëri si kryetar shteti
