Zëvendëspresidenti i SHBA-së, JD Vance ka njoftuar se inspektorët bërthamorë të IAEA-s do të kthehen në Iran për të verifikuar pajtueshmërinë e tij me marrëveshjen paraprake.
“Shpresa jonë është që të arrijmë në marrëveshjen përfundimtare dhe një zgjidhje të përhershme. Por tani për tani, mendoj se kemi bërë përparim të madh dhe të gjithë duhet ta festojmë këtë për sa i përket kohës kur do të fillojnë inspektorët bërthamorë”, u tha Vance gazetarëve, citon agjencia Al Jazeera.
Zëvendëspresidenti amerikan tha se i kishte telefonuar inspektorët bërthamorë të OKB-së në orën 2 të mëngjesit për t’i njoftuar për zhvillimet, megjithatë, askush nuk iu përgjigj telefonatës.
“Siç mund ta prisni, jo shumë njerëz po u përgjigjen telefonatave në orën dy të mëngjesit”, tha Vance.
“Pres që kjo të ndodhë të paktën këtë javë, por mendojmë se edhe disa nga ato biseda me inspektorët dhe me IAEA-n mund të ndodhin që sot,” shtoi ai.
Vance duke folur për negociatat në Zvicër, thekoi se negociatorët ishin në gjendje të krijonin një proces që negociatat teknike të vazhdonin, ndërsa negociatorët kryesorë largoheshin nga Zvicra më vonë sot.
