Kryediplomatja finlandeze, Elina Valtonen në një konferencë për media ka thënë se gjatë takimit me ministren e Punvëve të Jatshtme, Donika Gërvalla kanë diskutuar për dialogun Kosovë – Serbi dhe normalizimin e marrëdhënieve.
Valtonen ka deklaruar se Finlanda është përkrahëse e Kosovës, teksa tha se do të bëjnë të pamundurën për të arritur normalizimin mes Kosovës dhe Serbisë.
“Kemi biseduar për dialogun Prishtinë-Beograd, dhe normalizimin e marrëdhënieve, dhe Finlanda për këtë është përkrahëse. Jemi të gatshëm që të bëjmë çdo gjë që është e mundur për t’iu përkrahur në këtë rrugë”, ka deklaruar Valtonen.
Tutje, Valtonen ka thënë se Finlanda ka qenë dhe do mbetet gjithmonë mik i fuqishëm i Kosovës, që nga koha kur e ka fituar pavarësinë.
“Finlanda ka qenë dhe mbetet mik i fuqishëm i Kosovës, kjo u theksua në takimin që patëm sot. Si mbështetje fuqishme për Kosovën ka qenë padyshim që nga koha që e ka fituar pavarësinë e saj, e kemi mbështetur Kosovën në anëtarësimin në BE, si dhe në aleancën e NATO-s”, ka potencuar tutje Valtonen.
