Valencia ka shënuar tjetër fitore të rëndësishme në La Ligën spanjolle. Valencia që nuk di për humbje në pesë ndeshjet e fundit, të dielën gjatë ditës fitoi në udhëtim te Celta Vigo me rezultatin 2:1.
Me këtë fitore, Valencia ngjitet në pozitën e 14-të me 37 pikë, tri më shumë se Getafe që është në pozitën e 18-të dhe rrezikon rënien.
Celta Vigo në pozitën e 13-të ka 39 pikë. Justin Kluivert në minutën e tetë dhe Alberto Mari në minutën e 88-të shënuan golat e fitores për mysafirët, kurse Haris Seferoviq për vendësit realizoi golin e vetëm në minutën e 60-të. Në minutën e tretë të shtesës pas kartonit të dytë të verdhë u përjashtua Gabriel Paulista.
