Teksa shihet se ka filluar grumbullimi i protestuesve, raporton teve1.info.
Gjatë fjalës së saj vajza e të moshuarës kërkoj nga institucionet që të ketë drejtësi për këtë rast, teksa është shprehur se e moshuara nuk i ka mbrapa vetëm fëmijët e saj, por sipas saj, ajo sot ka mbrapa gjithë protestuesit.
“Ju kisha lutë që të ketë drejtësi, të vetëdijesohen të gjitha institucionet se mama ka shku atje për një kujdes më të mirë,sepse ka pas nevojë për një kujdes mjekësor, për një përkrahje dhe neve na ka pas mbrapa. Mama nuk e ka vetëm Zhanetën, Milotin dhe Taulantin. Unë çka pash sot është se mama ju paska krejt juve” ka thënë ajo.
Protesta do të mbahet te lapidari “Shokët e lirisë”. Kjo protestë është organizuar nga Shoqata Krimet e Luftës Gjakova ’98-99 dhe Bashkimi i femrave gjakovare.
Tri infermiereve të dyshuara për dhunimin e 70-vjeçares në shtëpinë e të moshuarve në Pejë, u është caktuar masa e paraburgimit prej një muaji. Ata dyshohen se në bashkëkryerje kanë kryer veprën penale “Sulmi”.
Po ashtu, të njëjtave, Oda e Infermierëve të Kosovës iu ka tërhequr licencën./teve1.info
