Ish-krerët e UÇK-së, Hashim Thaçi, Kadri Veseli, Rexhep Selimi dhe Jakup Krasniqi, kanë dhënë sot fjalën e tyre përfundimtare para trupit gjykues në Hagë.
Pas përfundimit të seancës ka reaguar Gresa Krasniqi, vajza e Jakup Krasniqit. Ajo ka theksuar se e drejta për të jetuar i lirë nuk është krim.
“Në katër fjalime të fuqishme dhe me mesazhe të qarta, ata njëzëri thanë: Luftuam regjimin gjenocidal të Serbisë, luftuam për liri”, ka shkruar ajo.
Në reagimin e saj, Gresa ka përmbledhur mesazhin e ditës me fjalët: “4 çlirimtarë, 4 fjalime të fuqishme, 4 mësime historie”, duke nënvizuar bindjen e saj se lufta për liri nuk mund të cilësohet si vepër penale.
