Ushtruesja e detyrës së presidentes, Albulena Haxhiu, sot, në oborrin e ndërtesës së Kuvendit, mirëpriti grupet folklorike dhe ansamblet nga Franca, Holanda, Turqia, Bullgaria, Hungaria, Greqia, Meksika dhe Kosta Rika, të cilat po qëndrojnë në Kosovë në kuadër të edicionit të pestë të Festivalit Ndërkombëtar të Folklorit NEWBORN Kosova.
Gjatë këtyre ditëve, ato po sjellin para publikut kulturën, muzikën dhe vallet tradicionale të vendeve të tyre, duke e bërë Kosovën një vendtakim të traditave dhe miqësisë mes popujve.
“Në fjalën time të mirëseardhjes, theksova rëndësinë e bashkëpunimit kulturor dhe rolin që festivale si NEËBORN kanë për të afruar njerëzit dhe për të ndërtuar ura bashkëpunimi përtej kufijve. Artistëve u uroj paraqitje të suksesshme dhe një qëndrim të këndshëm në Kosovë, ndërsa organizatorët i falënderoj për përkushtimin në promovimin e vendit tonë në skenën ndërkombëtare kulturore”, shkroi Alulena Haxhiu në “Facebook”.
