Policia e Kosovës ka njoftuar se një burrë është intervistuar nën dyshimin për ushtrim të dhunës fizike dhe psikike ndaj bashkëjetueses së tij për një periudhë prej afër dy vitesh.
Sipas raportit të Policisë, i dyshuari mashkull kosovar i kishte marrë viktimës edhe çantën personale, në të cilën ndodheshin dokumentet e saj, telefoni dhe raporte mjekësore.
“Është raportuar se me datën e cekur i dyshuari mashkull kosovar, për rreth dy vite, ka ushtruar dhunë fizike dhe psikike ndaj viktimës me të cilin ka bashkëjetuar dhe po ashtu i kishte marrë edhe çantën në cilën kishte dokumente personale, telefonin dhe raporte mjekësore”, thuhet në raportin zyrtar të Policisë së Kosovës.
Viktimës i është ofruar ndihmë dhe trajtim mjekësor. Ndërkohë, pas intervistimit në stacion policor dhe në konsultim me prokurorin e rastit, i dyshuari është liruar në procedurë të rregullt.
