Ushtria izraelite ka vrarë një palestinez dhe ka plagosur 12 të tjerë në sulmet në Rripin e Gazës të mërkurën, duke shkelur një marrëveshje në fuqi për më shumë se dy muaj.
Burime mjekësore thanë për Anadolu se një person u vra dhe 9 u plagosën në të shtënat me armë në shtëpitë e tyre në Jabalia, vend prej nga forcat izraelite u tërhoqën si pjesë e marrëveshjes së tetorit.
Në një tjetër sulm të ndarë në Khan Younis, që është zonë e kontrolluar nga ushtria izraelite tre persona u plagosën. Raportohet se ata u plagosën ndërsa po mblidhnin dru afër zonës ushtarake.
Në Gazën qendrore, të shtëna intensive nga automjete dhe helikopterë ushtarakë izraelitë shënjestruan shtëpitë palestineze në kampin lindor të refugjatëve Al-Bureij.
Nuk pati raportime të menjëhershme për viktima nga këto zona.
Sipas zyrës së medias në Gaza, ushtria izraelite ka kryer 875 shkelje të armëpushimit në Rripin e Gazës që nga 10 tetori, duke rezultuar në vdekjen e mbi 400 palestinezëve dhe plagosjen e më shumë se 1,100 të tjerëve.
Ushtria izraelite ka vrarë gati 71,000 palestinezë, kryesisht gra dhe fëmijë, dhe ka plagosur mbi 171,100 të tjerë në sulmet në Gaza që nga tetori i vitit 2023.
