Tre ndihmës mjekësorë palestinezë kanë mbetur të vrarë nga një predhë tanku izraelit ndërsa po përpiqeshin të evakuonin civilët e plagosur në qytetin e Gazës, ka thënë të martën Ministria e Brendshme.
Deklarata e ministrisë tha se tanku izraelit qëlloi drejtpërdrejt mbi ndihmësmjekët që po përpiqeshin t’i evakuonin civilët e plagosur në një sulm izraelit ndaj një shtëpie në lagjen Al-Tuffah në qytetin lindor të Gazës të hënën në mbrëmje.
Një ekip i dytë i ambulancës që përpiqej të nxirrte trupat e paramedikëve u sulmua gjithashtu nga dronë dhe automjete ushtarake izraelite, thuhet në deklaratë.
Ministria bëri thirrje për një hetim ndërkombëtar mbi sulmet izraelite ndaj ndihmësve mjekësorë dhe për mbrojtje të ndihmësve të parë, shkruan Anadoly.
Grupi palestinez Hamas, nga ana e tij, e dënoi sulmin vdekjeprurës si një “krim kompleks lufte që i shtohet të dhënave të zeza të pushtimit izraelit”.
Sipas autoriteteve të Gazës, të paktën 1,580 punonjës mjekësorë, përfshirë mjekë dhe ndihmës të shpejtë, janë vrarë në sulmet izraelite në Gaza që nga tetori i vitit 2023.
Që atëherë, ushtria izraelite ka vrarë afër 55,000 palestinezë, shumica prej tyre gra dhe fëmijë.
