Të hënën në mëngjes, ushtria izraelite shënjestroi një depo që ruante lëngje dhe furnizime mjekësore në Kompleksin Mjekësor Nasser në Khan Younis, në jug të Gazës.
Ky sulm është pjesë e ofensivës të vazhdueshme izraelite që ka përfshirë Gazën që nga tetori i vitit 2023, një periudhë e dhunshme që ka shkaktuar mijëra viktima dhe ka sjellë pasoja shkatërruese për popullsinë palestineze.
Ministria e Shëndetësisë e Gazës shpërndau në mediat sociale imazhe që dokumentojnë shkatërrimin masiv të furnizimeve mjekësore dhe pajisjeve jetike brenda kompleksit, raporton Anadoly.
Fotot tregojnë pasojat e sulmit izraelit, i cili ka dëmtuar rëndë resurset shëndetësore që janë thelbësore për mbijetesën e pacientëve dhe viktimave të luftës.
Sulmi ndodhi një ditë pas njoftimit të ushtrisë izraelite për nisjen e një ofensivë tokësore të gjerë, si pjesë e “Operacionit Karrocat e Gideonit”, që përshkallëzon ndjeshëm intensitetin e luftës në Gaza.
Ky përshkallëzim është shoqëruar me një rritje të sulmeve ndaj objekteve civile dhe infrastrukturës jetike.
Më herët, javën e kaluar, ushtria izraelite kishte sulmuar spitalin më të madh të Gazës, Kompleksin Mjekësor Nasser, duke shkaktuar viktima dhe duke plagosur shumë palestinezë që po merrnin trajtim atje.
Ky sulm është pjesë e një strategjie të gjerë të shënjestrimit të institucioneve shëndetësore në Gaza, duke lënë shumë spitale dhe qendra shëndetësore të pa funksionueshme dhe duke vënë në rrezik jetën e pacientëve dhe personelit mjekësor.
Që nga fillimi i ofensivës izraelite në tetor 2023, më shumë se 53,300 palestinezë, përfshirë gra dhe fëmijë, janë vrarë, ndërsa mijëra të tjerë janë plagosur rëndë.
Në ndërkohë, Izraeli po përballet me akuzat për krime lufte dhe krime kundër njerëzimit, duke përfshirë një urdhër-arresti të lëshuar nga Gjykatën Ndërkombëtare Penale për Kryeministrin Benjamin Netanyahu dhe ish-ministrin e Mbrojtjes, Yoav Gallant.
