Ushtria e Sudanit njoftoi të enjten se ishin zbuluar varre masive me qindra civilë në Omdurman, qytetin binjak të Khartumit.
Në një deklaratë, ushtria tha se 648 persona ishin mbajtur nga Forcat paraushtarake të Mbështetjes së Shpejtë (RSF) në një shkollë në lagjen Salha të Omdurman, në kushte të tmerrshme dhe çnjerëzore.
Sipas ushtrisë, rreth 465 prej tyre kishin vdekur dhe ishin varrosur në varre masive, disa prej të cilave përmbanin më shumë se 27 trupa.
Grupi paraushtarak RSF nuk ka dhënë ende një reagim ndaj deklaratës së ushtrisë, ka shkruar Anadoly.
Të martën, ushtria sudaneze shpalli Khartumin “plotësisht të lirë” nga RSF-ja pas muajsh luftime të ashpra.
Që nga prilli i vitit 2023, RSF ka luftuar kundër ushtrisë për kontrollin e Sudanit, duke shkaktuar mijëra viktima dhe duke krijuar një nga krizat më të rënda humanitare në botë.
Sipas OKB-së dhe autoriteteve lokale, më shumë se 20,000 persona janë vrarë dhe 15 milionë janë zhvendosur. Megjithatë, hulumtimet nga studiuesit amerikanë vlerësojnë se numri i të vdekurve është rreth 130,000.
