Mehaj përmes një postimi në Facebook, ka thënë se ushtarakët tanë si gjithmonë ishin, janë dhe do të jenë me qytetarët për vendin dhe ambientin e pastër.
“Ushtarakët tanë si gjithmonë ishin, janë dhe do të jenë me qytetarët dhe për qytetarët për vendin dhe ambientin tonë të pastër dhe të sigurtë. Edhe në Ditën e Tokës, në aksionin ‘Për një Kamenicë të Pastër’, FSK përveç që i dhuruan komunës edhe 163 fidanë dhe 50 drunjë dekorativ, së bashku me Kryetarin e Komunës së Kamenicës, Kadri Rahimaj, Nënkryetarin Faton Jakupi, drejtorët e drejtorive komunale, zyrtarët komunalë, Policinë e Kosovës, pjesëtarët e KFOR-it, nxënësit e mësimdhënësit e shkollave, mjekët e infermierët, si dhe qytetarët, pastruan hapësirat publike dhe deponitë ilegale, parqet, fshatrat, rrugët e shkollat”, ka shkruar ai.
Sipas tij, le të jetë çdo ditë, Dita e Tokës.
“Le të jetë çdo ditë – Dita e Tokës! Të ruajmë, mirëmbajmë e kujdesimi çdo ditë për Tokën e ambientin tonë dhe ajo do të kujdeset të na e kthej me të mirat e e begatitë e pafund të saj!”, ka thënë Mehaj. /teve1.info/
