Autore: Jona Kelmendi
Qytetarë të shumtë kalojnë këtu çdo ditë.
Fëmijë, të rinj, e të moshuar.
Mirëpo, një pjesë e “Urës së Zallit” në Pejë, ka mbetur e dëmtuar prej disa ditësh.
Urës po i mungon rrethoja mbrojtëse në mes të saj, pas një aksidenti që ndodhi më 5 korrik.
Që prej atëherë, vendi nuk është rregulluar.
Kalimi është i lirë, por jo i sigurt.
“Këtu normal që rrezikohet jeta e qytetarëve ashtu edhe sikur ne Lumbardh që gjuhen senet dhe nuk ka kurrëfar interesimi ashtu njëjtë është edhe këtu kur jo mardh është kon hekuri ktu deri vonë, ktu shihet shumë mirë se nese ni fmi vjen qetu a habitet ni nane a ni babë ai mundet me rrshit me ra poshtë atëherë nuk ki çka, let vjen ndaq inspektorat i policisë ndaq komunal badihava e ki nuk ka interesim”, shprehet qytetari Avni Gallaj.
“Mirëmbajtjen pak po e bojnë për fëmijë është shumë rrezik, e kur është koha e dimrit knej është edhe ma rrezik se mos kujdesja edhe e banoreve se krejt çka është demtu edhe banoret duhet mu kujdes për krejt këto t’mira të qytetit”, Xhevat Shoshka – qytetar.
E Musa Xaja një qytetar tjetër shpreh shqetësimin e tij për fëmijët e vegjël që kalojnë afër kësaj ure.
“Çdo kush që e sheh e shef që është e rrezikume sidomos për fëmijët e vegjël që kalojnë aty”, thotë ai.
Megjithatë nga komuna thonë që ky problem do të zgjidhet brenda dy ditëve.
“Ne e kemi vendos at hekurin ekzistues aty besoj e keni parë por nganjehere ajo kohe pas kohe po hiqet nga disa qytetar të pa ndërgjegjshëm. Por ne pasi që është sezona dhe gjitha kompanitë i kemi të angazhuara ne i kemi bërë presion kompanisë qe e kemi për mirëmbajtja qe sa ma shpejtë të dal dhe ta sigurojë atë dhe pres qe më së largu të shtunën ky problem të evitohet”, shprehet Agron Nikqi – drejtor i Shërbimeve Publike.
Trajtim urgjent të kësaj ure, po kërkon edhe opozita në Pejë.
“Ajo ka ndodh aksidentalisht mirëpo kish qenë mirë qe komuna urgjentisht me evitu atë dëm që i ka shkaktu urës pasi që Peja ka qarkullim shumë të madh popullatën e kemi të dyfishime për shkak të bashkëatedhetarëve edhe kish qenë mirë sa më urgjentisht se mundet me pësu ndonjë aksident edhe me të rëndë më pasoja më të rënda e cilën mundesh me pagu shtrejt… Komuna e ka obligim që jetën e qytetarëve ta mbajë më të sigurt aty ku ka qarkullim më të madh e ajo urë ka qarkullim shumë të madh”, thotë Nezir Jahmurataj nga Lista Guxo.
Nga vetaksidenti që kishte ndodhur në këtë urë, fatmirësisht përveç dëmeve materiale, asnjë person nuk është lënduar.
