Komisioneri i Përgjithshëm i Agjencisë së Ndihmës dhe Punëve të Kombeve të Bashkuara ka thënë se punëtorëve të tij në Rripin e Gazës po u bie të fikët në punë nga uria.
Philippe Lazzarini shkroi në ‘X’: “‘Njerëzit në Gaza nuk janë as të vdekur as të gjallë, ata janë kufoma në këmbë’: më tha një koleg në Gaza këtë mëngjes.
“Kjo krizë që po thellohet po i prek të gjithë, përfshirë ata që përpiqen të shpëtojnë jetë në enklavën e shkatërruar nga lufta. Punonjësit e shëndetësisë në vijën e parë të UNRWA-s mbijetojnë me një vakt të vogël në ditë, shpesh vetëm me thjerrëza, nëse i hanë fare.”
“Atyre po i bie gjithnjë e më shumë të fikët nga uria ndërsa janë në punë. Kur kujdestarët nuk mund të gjejnë mjaftueshëm për të ngrënë, i gjithë sistemi humanitar po shembet.”
Ai tha se agjencia ka kamionë me ndihma të mjaftueshme që janë duke pritur për të hyrë në Gaza porse nuk lejohen nga autoritetet izraelite./teve1/
“People in Gaza are neither dead nor alive, they are walking corpses”: a colleague in #Gaza told me this morning.
Meanwhile, according to @UNRWA latest findings: one in every five children is malnourished in Gaza City as cases increase every day.
When child malnutrition…
— Philippe Lazzarini (@UNLazzarini) July 24, 2025
