Universiteti i Prishtinës ka hapur konkursin për pranimin e studentëve në vitin e parë të studimeve në nivelin baçelor dhe master për vitin akademik 2026/2027.
Në njoftimin e publikuar nga UP shkruhet se studentët ftohen që të behën pjesë e një universiteti me histori, traditë dhe përkushtim ndaj cilësisë në arsim, përcjell teve1.info.
“Ju njoftojmë me kënaqësi se Universiteti i Prishtinës ka hapur konkursin për pranimin e studentëve. Programet e studimit të ofruara nga UP-ja mbulojnë fusha të ndryshme studimi dhe janë të ndërtuara për të përgatitur studentët për sfidat e tregut të punës, duke i pajisur ata me njohuri dhe aftësi të nevojshme për zhvillim profesional dhe personal. Universiteti i Prishtinës synon të krijojë një ambient të favorshëm akademik, ku studentët mund të rriten në aspektin intelektual dhe të arrijnë objektivat e tyre në karrierë. Ftoheni të aplikoni dhe të bëheni pjesë e një universiteti me histori, traditë dhe përkushtim ndaj cilësisë në arsim. Për më shumë informata dhe për të lexuar konkurset, klikoni në linqet e mëposhtme: Konkursi për pranimin e studentëve të rinj, Bachelor, 2026-2027. Konkursi për pranimin e studentëve të rinj, Master, 2026-2027”, shkruhet në njoftimin e publikuar nga Universiteti i Prishtinës.
