Skuadra e Manchester Unitedit ka rikthyer interesimin për sulmuesin Harry Kane, kanë njoftuar të martën mediumet britanike.
Mësohet se Unitedi po e bën gati ofertën për ta transferuar Kanen më të përfunduar edicioni aktual.
Kane, aktualisht është pjesë e Bayern Munichut, ekip të cilit iu bashkua vitin e shkuar. Unitedi edhe më herët pati shprehur interesim për Kanen, por në fund sulmuesi i Anglisë vendosi t’i bashkohet skuadrës së Bayernit.
30-vjeçari ka kontratë me ekipin gjerman deri në vitin 2027, ndërsa këtë edicion ka shënuar 29 gola në 30 paraqitje në të gjitha garat.
Krahas Unitedit, interesim për Kanen ka shfaqur edhe ekipi tjetër nga Premier League, Chelsea.