Izraeli ka mohuar vazhdimisht lejen për të transferuar inkubatorët nga një spital i evakuuar në veri të Gazës, duke përkeqësuar kushtet në spitalet e mbipopulluara më në jug, ku foshnjat e porsalindura tani ndajnë maska oksigjeni, thotë UNICEF.
James Elder, një zëdhënës i UNICEF-it, përshkroi skena të mbipopullimit ekstrem dhe lodhjes brenda Spitalit Nasser në Gazën jugore, ku nënat dhe foshnjat rreshtohen në korridore.
“Në njërën nga dhomat pediatrike, kishte tre foshnje dhe tre nëna në një shtrat të vetëm, një burim oksigjeni, dhe nënat do t’i jepnin oksigjenin me radhë çdo 20 minuta secilit fëmijë”, i tha ai agjencisë së lajmeve Reuters. “Ky është niveli i dëshpërimit që kanë arritur nënat tani.”
Elder tha se pajisjet mjekësore jetësore mbeten të bllokuara në spitalet që janë mbyllur në veri.
“Ne jemi përpjekur të rikuperojmë inkubatorët nga një spital që u evakuua në veri dhe na janë mohuar katër misione thjesht për të marrë ato inkubatorë”, tha ai, duke iu referuar furnizimeve të bllokuara në Spitalin e Fëmijëve Al-Rantisi në qytetin e Gazës, i cili është dëmtuar nga Izraeli.
