Që nga lagjja “Velania” mori rrugën për në Xhaminë e Madhe në Prishtinë.
E kjo vetëm për një arsye, për të bërë një gjest human në këtë muaj të Ramazanit.
Nexhat Halili thotë se dhënien e Fitrave e ka bërë që nga vitet e 70-ta.
“Ne të besimit Islam jemi të detyrueshëm për t’i kryer obligimet ndaj fesë Islame, e tash ato janë vjetore është e paraparë ka për njerëz që janë pak më të dobët të mesëm por edhe më të fortë, tash secili e vendos me dëshirën e vet”.
Dhënia e sadakasë e bën të lumtur edhe Nazmi Aliun.
Aliu, që faljen e namazit e bën në këtë xhami, thotë se edhe Fitrat i dhuron këtu.
“Unë jam i kënaqur që i jap. Kjo puna e fitrave e kemi me borxh të gjithë me i dhanë. Mirëpo, dikush edhe kush është sëmurë është mirë për të me i dhanë se është Sadaka, kjo ka vlerë të madhe. Edhe çdo njëri që i thotë vetit mysliman i jep fitrat dhe është i kënaqur me i dhanë”, tregon ai.
Edhe sipas Kryeimamit të Xhamisë së Madhe në Prishtinë, Fitrat janë bërë obligim për pastrimin e agjëruesit dhe furnizim për të varfërin.
“Vitri apo SADAKATUL-FITR është një obligim i çdo qytetari që nga koha e Pejgamberit Alejhi Selam pas obligueshmëris së agjërimit të Ramazanit, Pejgamberit Alejhi Selam e ka bërë obligim Sadakatful- fitri apo zekatul-fitri që i thuhet në gjuhën Arabe Sadaka apo lëmosh e veçantë për agjëruesin”, tha Bahri Sejdiu.
Tutje, ligjëruesi në Xhaminë e Madhe tregoi se kur dhurohen Fitrat dhe sa ka interesim nga qytetarët për dhënien e tyre.
“Ipet në fund të Ramazanit deri para faljes së Bajramit. Në të gjitha xhamitë e Kosovës, imamët janë të furnizuar me blloka dhe kupona të fitrave dhe kudo që besimtarët kanë mundësi të afrohen në xhami apo në Këshillat e Bashkësisë Islame i paguajnë Fitrat me lehtësim dhe pa problem. Interesimi edhe këtë vit është i madh, sikurse edhe viteve tjera”.
Fitrat dhurohen për çdo person që është në këtë jetë, e çmimi i tyre varion nga 3 deri në 10 euro, varësisht gjendjes ekonomike që ka agjëruesi.
