Komandanti i KFOR-it, gjenerali Ozkan Ulutash, ka thënë se për situatën aktuale ndërmjet Kosovës dhe Serbisë, mund të ketë vetëm një zgjidhje dhe ajo është politike.
Këtë ai e ka thënë pas një vizite që ka bërë në selinë e NATO-s, ku ka zhvilluar disa takime, përfshirë edhe me sekretarin Jens Stoltenberg.
“Mund të ketë vetëm zgjidhje politike për situatën aktuale. Një që njeh dhe respekton të drejtat e të gjitha komuniteteve që jetojnë në Kosovë. Në këtë aspekt, NATO vazhdon të mbështesë plotësisht dialogun e ndërmjetësuar nga BE-ja ndërmjet Prishtinës dhe Beogradit. Dhe KFOR-i do të vazhdojë të luajë rolin e tij mbështetës. Një zgjidhje e qëndrueshme politike varet – në fund të fundit – nga një angazhim i të gjitha palëve për t’u përmbajtur nga retorika dhe veprimet destabilizuese, dhe në vend të kësaj të angazhohen në mënyrë konstruktive në dialogun e lehtësuar nga BE-ja në mirëbesim. Kjo është kyçe për sigurinë e qëndrueshme të të gjithë njerëzve që jetojnë në Kosovë, për një të ardhme më të mirë për gjeneratat që do të vijnë, dhe për stabilitetin rajonal”, deklaroi në një video-mesazh, komandanti i KFOR-it.
Ai thotë t’i kenë informuar ata me trendet më të fundit të sigurisë në Kosovë dhe në Ballkanin Perëndimor dhe mbi prioritetet e KFOR-it në javët dhe muajt në vijim.
Komandanti i KFOR-it thotë se zgjidhja e vetme mes dy vendeve është ajo politike.
