Ministria e Mbrojtjes së Ukrainës ka deklaruar të premten se dy mijë e 800 trupa ruse kanë vdekur deri më tash.
Ende nuk dihet nëse kjo shifër e ushtarëve është për të vrarët, plagosurit apo për ata që janë kapur, raporton REL.
Sipas ministrisë ukrainase, ata kanë shkatërruar rreth 80 tanke, mbi 500 makina tjera ushtarake, dhjetë avionë dhe shtatë helikopterë.
Ndërkaq, Rusia ka pretenduar se nuk ka pësuar ndonjë humbje të madhe të ushtarëve, derisa Ukraina shtoi paraditen e së premtes se mbi një mijë sulmues rusë janë vrarë.
