Ministria e Punëve të Jashtme dhe Diasporës ka bërë të ditur se Ahmeti ka njoftuar atë lidhur me sanksionet që Kosova i ka vendosur Rusisë dhe gatishmërinë për t’i shtuar ato në koordinim me Shtetet e Bashkuara të Amerikës dhe Bashkimin Evropian.
Tutje, zv.ministri ka përmendur edhe ndihmën e Kosovës ndaj strehimit të 20 gazetarëve nga Ukraina duke u larguar kështu përkohësisht regjimin e vizave.
“Ai përmendi sanksionet të cilat Kosova tashmë i ka vendosur dhe gatishmërinë për t’i shtuar ato në koordinim me ShBA-të, BE-në dhe partnerët e tjerë ndërkombëtare. Gjithashtu, ai përmendi edhe ndihmën që Republika e Kosovës po e ofron në këtë situatë duke strehuar 20 gazetarë, duke larguar përkohësisht regjimin e vizave për qytetarët ukrainas dhe duke treguar gatishmëri për strehimin e 5000 refugjatëve”, thuhet ndër tjerash në njoftim.
Ndërkaq, Dzhaparova ka falënderuar Kosovën për mbështetjen dhe rreshtimin në nanën e Ukrainës, teksa ka njoftuar Ahmetin “për situatën e rëndë humanitare të shkaktuar nga agresioni ushtarak nga Rusia”.
“Nga Ukraina, ajo e njoftoi z. Ahmeti për situatën e rëndë humanitare të shkaktuar nga agresioni ushtarak i Federatës Ruse dhe për rezistencën e fortë që po e bëjnë ukrainasit. Kriza humanitare e shkaktuar nga Federata Ruse, veçanërisht në qytete si Mariupol ku qytetarët po mbahen peng nga rrethimi rus, po thellohet çdo ditë e më shumë”, njoftoi tutje MPJD./teve1.info/
