Përmes një video-mesazhi në Facebook, zëdhënësi i shtabit të përgjithshëm në Ukrainë ka shtuar se mbi 200 ushtarë rusë janë kapur rob nga forcat ukrainase, raporton BBC.
Sipas tij, 198 tanke ruse, 29 avionë, 846 automjete të blinduara dhe 29 helikopterë janë shkatërruar deri më tash.
Ndërkaq, BBC nuk mund t’i verifikojë në mënyrë të pavarur këto pretendime, por ministria e mbrojtjes e Mbretërisë së Bashkuar beson se forcat e Moskës kanë pësuar humbje të mëdha gjatë pushtimit të Ukrainës.
Të dielën, zyrtarët në Moskë u detyruan të pranojnë se forcat e tyre kishin pësuar viktima, pasi disa ditë pretendonin se asnjë ushtar rus nuk ishte vrarë./teve1.info/
