Në bodrumin e kësaj klinike, ku edhe ndodhen aparaturat për trajtimin e pacientëve, është mbledhur një sasi e konsiderueshme uji.
Përmes një njoftimi, Shërbimi Spitalor Klinik dhe Universitar i Kosovës ka bërë të ditur se pacientët që trajtohen më radioterapi nuk mund të marrin këtë shërbim.
“Ekipet e Klinikës së Onkologjisë, bashkë me sektorin teknik dhe atë të pajisjeve mjekësore të SHSKUK-së, kanë ndërmarrë veprime të menjëhershme duke shkyçur nga puna aparaturën e radioterapisë. Apratura e Radioterapisë për momentin është jashtë funksionit, kurse shërbimet e tjera në Klinikën e Onkologjisë po ofrohen normalisht”, thuhet në njoftim.
Klinika e Onkologjisë në Prishtinë është e vetmja qendër në Kosovë, ku të prekurit me kancer marrin radioterapinë, kimioterapinë dhe trajtime të tjera.
Brenda 24 orësh, aty marrin shërbime rreth 400 pacientë, që vijnë nga qytete të ndryshme.
Raporti i gazetares Valëza Sylejmani.
