Lufta e hapur ndaj Ukrainës tashmë prej një kohe të gjatë do t’i kushtojë Rusisë edhe në botën e sportit teksa UEFA në mbështetje të vendimit të datës 28 shkurt që pezulloi kombëtaren ruse dhe skuadrat nga veprimtaritë Europiane, ditën e sotme ka vendosur t’i japë formë zyrtare këtij vendimi dhe tashmë kombëtarja ruse nuk është më e pezulluar por e përjashtuar.
Nga vendimi i Komitetit Ekzekutiv i UEFA-s preket drejtpërdrejt edhe kombëtarja e Shqipërisë duke qenë se kuqezinjtë e trajnerit Edy Reja ishin shortuar në të njëjtin grup (Grupi B) me Rusinë në Ligën e Kombeve.
Tashmë, Shqipëria si kundërshtarë të saj do të ketë vetëm Izraelin dhe Islandën, teksa kanë një mundësi të artë për të arritur vendin e parë në grup. Sakaq, Rusia do të renditet automatikisht e fundit, ndërsa është përjashtuar edhe kombëtarja ruse e femrave nga Europiani, ashtu sikurse edhe nga kombëtarja e U21 nga kampionati europian.
