Plani financiar dyhapësh i UEFA-s për të rimbushur rezervat e saj me para, të goditura nga pandemia, fillon me Euro 2024 që mbahet në Gjermani.
Të ardhura prej 2,5 miliardë euro priten nga marrëveshjet e transmetimit, sponsorët dhe shitja e biletave, shkruan AP të shtunën.
UEFA parashikoi në prill se gati gjysma e të ardhurave nga Euro 2024, shuma prej rreth 1,2 miliardë euro, do të jetë fitim dhe do të shërbejë për të financuar pjesën më të madhe të punës dhe grantet e zhvillimit për katër vjetët e ardhshme dhe po ashtu për të plotësuar rezervat e saj.
Sa u takon shpenzimeve të organizimit të Euro 2024, qindra miliona euro ndahen si çmime për përfaqësueset pjesëmarrëse dhe pagesa ditore për klubet që kanë lojtarë në Evropian.
Prej të hyrave nga Evropiani, 331 milionë euro do të ndahen nga 24 përfaqësueset pjesëmarrëse. Kampioni i Evropës do të shpërblehet me 28,5 milionë euro, nëse i fiton të gjitha ndeshjet.
