UEFA ka reaguar më në fund pas veprimeve të përsëritura nga tifozët e skuadrës së Cërvena Zvezdës.
Thirrjet anti-shqiptare dhe kundër Kosovës, i kanë kushtuar klubit nga Serbia me gjobë prej 50 mijë eurosh.
Këto vendime, UEFA i ka marrë pas ndeshjes së “play-offit” të Ligës së Evropës kundër Plzenit, të cilën Zvezda e fitoi në shtëpi me rezultatin 3:0.
Në total, Zvezda ka marrë një gjobë prej 99.500 eurosh nga UEFA, e cila gjithashtu i ka vendosur klubit nga Serbia një periudhë prove prej dy vitesh, përndryshe rrezikon ti mbyllet një pjesë e stadiumit.
UEFA e ka dënuar Zvezdën me 20.000 euro gjobë për bllokimin e rrugëve publike, pastaj me 50.000 euro për transmetimin e mesazheve të papërshtatshme për një ngjarje sportive, 9.500 euro për ndezjen e mjeteve piroteknike dhe 20.000 euro për sjelljen raciste apo diskriminuese të tifozëve.
