Në asnjërën nga uebfaqet e komunave në veri të vendit nuk ka të dhëna.
Kjo për shkak të mungesës së përditësimit tash e një kohë.
Mirëpo sipas ekspertëve të IT-së, në këtë rast nuk ka të bëjë me probleme teknike.
“Siç po shihet, problemi qëndron te mungesa e futjes së informacionit nga administratori i webfaqes së komunës së caktume, do të thotë problemi teknik nuk ekziston”, tha eksperti i IT, Urim Buzhala.
Megjithatë sipas Asociacionit të komunave, këto të fundit janë ballafaquar me probleme shkaku i nivelit qendror.
“Në disa raste komunat janë ballafaquar me probleme të cilat nuk kanë qenë të zgjidhura nga niveli qendror sepse administrimin e webfaqeve e ka niveli qendror kurse komunat e bëjnë përditësimin. Dhe në disa raste niveli qendror nuk ka arritur të administrojë mirë webfaqet e komunave duke iu pamundësuar komunave përditësimin”, tha drejtori Ekzekutiv i Asociacionit të Komunave të Kosovës, Sazan Ibrahimi.
Tëvë1 ka dërguar pyetje tek Ministria e Administrimit të Pushtetit Lokal për këtë çështje, mirëpo nga ky institucion deri në momentin e publikimit të lajmit, nuk ka kthyer përgjigje.
