Udhëheqësi i Zyrës për Rikthimin e Aseteve, njëherit prokuror në Zyrën e Kryeprokurorit të Shtetit, z. Bahri Hyseni, zhvilloi sot një takim me këshilltarët e Ambasadës së Mbretërisë së Bashkuar, Alan Barr dhe Nick Wilcox.
Gjatë takimit u diskutua për rolin dhe funksionimin e Zyrës për Rikthimin e Aseteve, si dhe për proceset e ngrirjes, sekuestrimit dhe konfiskimit të pasurisë, përfshirë edhe rikthimin e aseteve të sekuestruara dhe të konfiskuara. Vëmendje e veçantë iu kushtua forcimit të bashkëpunimit ndërinstitucional ndërmjet institucioneve ligjzbatuese nënshkruese të Memorandumit të Mirëkuptimit, me qëllim rritjen e efikasitetit të ZRA-së.
Hyseni i falënderoi për vizitën dhe mbështetjen, duke theksuar rëndësinë e vijimit të komunikimit dhe takimeve edhe në të ardhmen, në mënyrë që bashkëpunimi të konkretizohet me rezultate të matshme.
