Ish-pjesëtari i UÇK-së, Nasim Haradinaj, thotë se UÇK-ja është më shumë se emër, është gjak, përcjell lot, vuajtje, uri .
Haradinaj thotë se patriotizmi fillon kur fillon dhe përfundon vetëm kur të vdesësh
“UÇK-ja është më shumë se emër, më shumë se individ – Nasim, Hasan, Hysen – është gjak i derdhur që nga okupimi i Kosovës prej vitit 1912 e deri sot. Harrojmë nganjëherë se dëshmorët nuk janë vetëm këta të luftës së fundit, është gjak, është burgji, janë lot, janë vuajtje janë uri, janë izolime e distancime nga vetë disa shqiptarë. Patriotizmi, së pari duhet me qenë njeri. Patriotizmi nuk plaket, nuk soset dhe nuk ka kufij këtu. Patriotizmi fillon kur fillon dhe përfundon vetëm kur të vdesësh”, tha ai në emisionin “1 Natë” në Tëvë1.
Haradinaj thotë se njerëzit në Kosovë po e harrojnë se çfarë është UÇK-ja.
“Njerëzit po harrojnë, pikërisht për UÇK-në. Çka është UÇK-ja? Ma shpjegoi një shok se e kanë pyetur: Çfarë bëri UÇK-ja? Iu është përgjigjur duke thënë: ‘qe, çfarë bëri UÇK-ja. – A e ke marrë biletën? A ke ardhe prej kurbeti? – Po. – Ke ardhë në Kosovë? – Po. – Burrë a ke ardhë në aeroport? – Po, burrë! -…e çfarë ka bërë UÇK-ja? -UÇK-ja është ai agjencioni që të ka sigurua me nxjerrë biletë, të ka siguruar me marrë sigurimin që mos me tu rrëzua aeroplani rrugës. E ka siguruar aeroplanin me aterua. Po të vendos ty me dalë në doganë dhe po të prek këtu, s’po të pret asnjë polic serb më e asnjë patrullë serbe’. Me këto veprime të e llogarit që ke kontribuuar në vendin tënd. Harron që ai është kontributi i njerëzve që punojnë në aeroport. I njerëzve që e kanë kontrolluar atë aeroplan që ke me hy…”, deklaroi ai./teve1.info/
