Një person i moshuar që ishte raportuar si i zhdukur në rrugën “Fadil Ferati” në Istog të enjten është gjetur me shenja jete brenda banesës së tij.
Policia njofton se familjarët kishin ngritur shqetësimin pasi i njëjti i cili jetonte i vetëm, nuk u ishte përgjigjur thirrjeve telefonike për një periudhë kohore.
Njësiti policor, në bashkëpunim me një të afërm të të moshuarit dhe pas konsultimit me prokurorin, kanë hapur me forcë derën e banesës, brenda është gjetur i moshuari me shenja jete.
Ai është dërguar për trajtim mjekësor në Spitalin Rajonal të Pejës.
“Rr. Fadil Ferati, Istog 12-13.02.2026 – NN. Është raportuar se viktima i moshuar mashkull kosovar, i cili kishte qenë duke jetuar i vetëm në banesë, nuk iu kishte përgjigje thirrjeve telefonike të familjarëve të tij, andaj njësiti policor së bashku me dëshmitarin i afërm i viktimës, në konsultim me prokurorin me forcë kanë hapë derën e banesës, brenda është gjete viktima me shenja jete i cili me urgjencë është dërguar te mjeku dhe gjendet duke marr tretman mjekësor në spitalin rajonal Pejë”, thuhet në raportin policor./teve1.info/
