Policia e Kosovës ka nisur hetimet për vdekjen e një personi gjatë së martës në Pejë.
Në raportin ditor thuhet se vdekja dyshohet se ka ardhur kur viktima ishte duke ecur dhe është rrëzuar e që për pasojë pësoi lëndime.
Siç njofton policia, viktima u dërgua për tretman mjekësor në Spitalin Rajonal në Pejë, ndërsa mjekët kanë konstatuar se viktima është pa shenja jete.
Me vendim të prokurorit, viktima është dërguar në IML për obduksion.
Ndërkohë, thuhet se rasti është iniciuar si “Hetim i vdekjes”.
